Pa yuotube edhe ne Indonezi

Me kërkesë të qeverisë së Indonezisë, ofruesit e qasjes në internet kanë filluar të bllokojnë qasjen në YouTube, ku mund të gjendet edhe filmi kundër islamit të punuar nga Geert Wilders, ka njoftuar një gazetë në Xhakarta.
Qasja në YouTube po mbyllet, por nëpërmes disa ofruesve të shërbimeve të internetit ende është në dispozicion, ka thënë kryetarja e Shoqatës së ofruesve të internetit në Indonezi.

Ministri indonezian për telekomunikacion i ka shkruar ditë më parë shërbimit YouTube dhe ka kërkuar që të mos lejojë vendosjen e Fitna-s, një film me metrazh të shkurtër nga holandezi Geert Wilders.

"Në rast se nuk marrim përgjigje, do të bllokojmë faqen në vend", ka thënë i deleguari i qeverisë.

Me qindra indonezianë kanë protestuar ditëve të fundit kundër shfaqjes së filmit me ftesë të lëvizjeve tradicionale islame.

Indonezia, ish-kolonia holandeze, është shteti më i madh mysliman në botë.