Mini laptop i HP-së me çmim të përshtatshëm

Moda e laptopëve të vegjël e të lirë ka filluar, e asaj i është bashkuar edhe prodhuesi Hewlett Packard me laptopin e tij Mini-Note 2133.
Mini laptopi i HP-së është i bazuar në procesorin e Vias C7, derisa konfiguracioni i tij bazë do të kushtojë 499 dollarë – 100 dollarë më shumë se laptopi miniatural i Asusit Eee Pc. Modeli më i lirë do të ketë procesor të integruar C7 me takt 1.0 GHz, 512 megabajt të memories dhe katër gigabajtë të memories flash për ruajtje të dhënave. Sistemi operativ i këtij modeli është Linux.

Shfrytëzuesit të cilët dëshirojnë më shumë dhe janë të gatshëm të paguajnë po ashtu më shumë mund ta marrin atë me procesorin Mini-Note me takt 1.6 GHz, diskun klasik me kapacitet prej 120 GB dhe sistemin operativ Windows Vista Business. Çmimi e një Mini-Note kaq të pajisur prapë mbetet me çmim të përshtatshëm prej 749 dollarësh.

Të gjitha modelet e HP Mini-Note kanë ekran LCD me rezolucion prej 1280 x 768 pikselash dhe diagonale prej 8.9 inçësh si dhe tastierën e plotë QWERTY. Pesha e laptopit është 1.3 kilogramë. Monitori wide screen me rezolucion relativisht të lartë është përparësi e këtij laptopi miniatural të HP-së në krahasim me atë të Asus.

Ende nuk dihet data e saktë se kur do të del në shitje, por një gjë dihet se ajo do të jetë shumë shpejt.