Zgjedhet logoja e Alfa Mi.To

Duke u munduar që t’i angazhojë vozitësit dhe dashamirët e Alfa-s për të qenë pjesëmarrës në punët e reja të kompanisë, Alfa Romeo ka arritur që me anë të një votimi online të vendos për emrin e veturës më kompakte sportive të të gjitha kohëve, Alfa Mi.To.
Votimi i parë për zgjedhjen e emrit të Alfa-s së re, ka kaluar pa arritur ndonjë sukses, pasi që emri i cili ishte votuar më së shumti nga vizitorët, “Furiosa”, u është dukur shumë femëror drejtuesve të kompanisë.

Ndërsa tani është arritur një përparim, pasi që vizitorët kanë zgjedhur përsëri online, një emër tjetër më të përshtatshëm, “Mi.To”.

Duhet të pranojmë se logoja, e cila vërehet në fotografi, është vërtetë trend dhe modë, dhe i rri shumë bukur Alfa-s së vogël.

Me këtë metodë të zgjedhjes së logos, Alfa dëshironte të jetë më pranë të rinjve të cilët pritet të jenë blerësit kryesorë të automjetit të ri.

Së shpejti pritet që automjeti me përmasa të vogla, Alfa Mi.To, të shfaqet nëpër sallonet evropiane, ndërsa si duket do t’ia kufizojë tregun Mini-t të famshëm.