Volkswagen Up! do të prodhohet nga Škoda

Gjatë vitit të fundit, shpesh kemi mundur të dëgjojmë nga njerëzit e parë të Volkswagenit pretendimet për arritjen e vendit të parë në shitjen globale të automjeteve, dhe marrjen e vendit kryesor nga Toyota. Tani i dimë edhe metodat e realizimit të këtij qëllimi.
Volkswagen prodhimin e modelit të tij Up!, për të cilin shumë besojnë se në paraqitjen serike do të jetë trashëgues i Lupo-s, për shkak të shpenzimeve të ulëta, do t’ia besojë prodhuesit Škoda. Sipas menaxherit logjistik të Škoda-s, Horst Mühl, plani i Volkswagen-it është të prodhojë 250 mijë njësi të Up! brenda vitit vetëm në fabrikat e Škoda-s në Vrchlabi e Pamplona.

Gjithashtu, në Volkswagen kanë versione të ndryshme të njëjtit automjet për Seat e Škoda, modele me benzinë, naftë dhe elektrik, si dhe disa forma të karrocerive, nga karvani në kabriolet, e madje edhe atij sportiv ultrakompakt.

Up! për tregjet në zhvillim do të duhej të prodhohej në bashkëpunim të përbashkët me prodhuesit indianë e kinezë, derisa shifra përfundimtare e pritur është më e madhe se gjysmë milionë automjete të prodhuara brenda vitit.